عمري ما كنت أتخيل إن أكتر حاجة ممكن تكسر الست مش إنها تكتشف إن جوزها بيخونها لكن إنها تكتشف إنها كانت بنفسها بتساعده يخبي خيانته من غير ما تعرف وإن كل مرة كنت بمد إيدي أتناول تليفونه عشان أرد على مكالمة كنت فاكرة إنها شغل أو حد من صحابه كنت في الحقيقة بساعده يطمن الست اللي متجوزها عليا في السر إن مفيش أي حاجة ممكن تكشفهم
أنا اسمي نادية عندي تلاتة وتلاتين سنة ومتجوزة من كريم بقالنا سبع سنين وعندنا ولد اسمه يوسف عنده خمس سنين ومن أول يوم في جوازنا وأنا شايلة مسؤولية بيتي معاه ومقصرتش في حقه ولا في حق ابني على قد ما أقدر كريم كان شغال محاسب في شركة مقاولات وكنت بشتغل في محل ملابس قريب من البيت وبعد ما خلفت يوسف سيبت الشغل عشان أقدر أربيه وأهتم ببيتي وكريم وقتها وعدني إنه مش هيخليني محتاجة حاجة
وإنه هيعوضني عن السنين اللي ضحيت فيها بشغلي عشانه
كريم كان معروف وسط أهلنا إنه راجل هادي ومحترم وبيحب بيته ودي كانت أكتر حاجة مخلية قلبي مطمن ناحيته حتى لما بدأ يتغير معايا كنت ببررله تصرفاته وأقول لنفسي إن ضغط الشغل هو السبب
من حوالي سنة بقى يرجع متأخر بحجة إن الشركة عندها شغل كتير وأوقات كان يدخل البيت ياكل بسرعة ويقعد على التليفون ولما أسأله بيتكلم مع مين كان يقول لي ده سامح صاحبي اللي شغال معايا وبنراجع شغل بكرة وسامح ده كان أقرب صاحب ليه من أيام الجامعة وبييجي بيتنا على طول وعارف أسرارنا ومشاكلنا وكل تفاصيل حياتنا
الغريب إن تليفون كريم كان بيرن كتير باسم سامح حتى في أوقات غريبة وأنا كنت كل مرة أرد عشان كريم ساعات بيكون في الحمام أو بيغير هدومه ولما أقول ألو ألاقي اللي على الناحية التانية ساكتة ثواني وبعدين تقفل
في الأول ماكنتش باخد بالي لكن مع تكرار الموضوع بدأت أستغرب ولما سألت كريم مرة قال لي إن سامح ساعات بيكون في مكان دوشة ومش بيسمعني كويس وإنه أكيد اتصل بالغلط أو الشبكة فصلت
والموضوع ماوقفش عند كده ده بقى كل ما التليفون يرن وأنا جنبه يبص على الشاشة بسرعة وياخده مني ويقول لي سيبيه يا نادية ده شغل ومش عايز أتكلم قدامك في تفاصيل الشركة وأنا كنت بزعل من طريقته لكن كنت بسكت عشان ماكبرش المواضيع
لحد يوم الخميس اللي غير حياتي كلها
اليوم ده كريم رجع من الشغل تعبان وقال لي إنه لازم ينزل يجيب شوية حاجات من الصيدلية عشان عنده صداع وطلب مني أجهز له العشا لحد ما يرجع وبعد ما خرج بدقايق افتكرت إنه نسي محفظته على الكومودينو جنب السر,,ـــــير فدخلت الأوضة عشان أشوف لو محتاج حاجة تانية ولقيت تليفونه بيرن
بصيت على الشاشة ولقيت الاسم المعتاد سامح
كنت هسيبه يرن زي كل مرة لكن قبل ما المكالمة تفصل ظهرت رسالة على الشاشة من نفس الرقم مكتوب فيها إنت قلتلي هتكلمني أول ما تخرج من البيت وأنا مستنياك من بدري متخلينيش أحس إني مليش قيمة عندك
وقفت مكاني وأنا مش فاهمة حاجة وقلبي بدأ يدق بسرعة حاولت أقنع نفسي إن ممكن تكون مشكلة تخص سامح أو إن حد بيستخدم تليفونه لكن الرسالة كانت واضحة بشكل خلاني أحس إن فيه حاجة غلط
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.