منى أخته كانت قاعدة جنبه وبدأت تبص لحسن بعتاب وقالتله وأنا كمان يا حسن أنا أختك الوحيدة يعني لو كنت مكانك كنت بعت المحل واشتريتلي شقة صغيرة أعيش فيها بدل ما أفضل كل ما أحتاج حاجة أستنى لما حضرتك تفضى من حساباتك
حسن قالها إنتِ عندك شقة يا منى وإحنا عمرنا ما اتأخرنا عنك لما احتجتي مساعدة

منى هزت راسها وقالتله أيوه عندي شقة بس مش زي شقتك طبعًا شقتك واسعة وإيجار محلاتك بيدخل كل شهر وأنا كل ما أفتح التلاجة ألاقي الجبنة بتبصلي كأنها بتقولي خلصيني قبل ما أخلص أنا

كنت واقفة عند طرف السفرة مش عارفة أضحك ولا أعيط من الكلام اللي بيتقال وفجأة حماتي رفعت راسها وقالت بصوت مليان حسرة أنا اللي غلطانة إني خلفتكم كلكم في بيت واحد وافتكرت إنكم هتفضلوا سند لبعض لكن الظاهر إني لو كنت خلفت كل واحد في بلد كان زمانكم بتحبوا بعض أكتر

الأكثر قراءة الان

جوزي قه.رني هوه وامه وخلاني اختار ض.رتي بنفسي عشان بس يسمحلي بحضانة بناتيمنذ 4 أسابيعجوزي قالي: اختاري… يا بيتك يا أولادكمنذ 4 أسابيعخطيبي بعدما عمل عملته معايا جه يوم الفرح وقال للكل في القاعة إني مش بنت بنوت… بس ربنا أخدلي حقي منهمنذ 3 أسابيع

حسن حاول يهدّي الدنيا وقال لهم إنهم مش ناقصين خناقات وإننا كلنا قاعدين عشان ناكل ونتبسط لكن سامي بصله وقاله إنت دايمًا كده يا حسن أول ما حد يجيب سيرة حقه تقولوا خناقة وعايزين نبوظ العزومة

وبعدها ضحك ضحكة غريبة وقال على العموم أنا مش زعلان منك أنا بس زعلان على نفسي إني قضيت عمري أخوك وفي الآخر اكتشفت إن المحل أغلى مني
في اللحظة دي منى انفجرت في الضحك وبعدها بدأت تعيط وهي بتقول لسامي إنت على الأقل عندك تجارة أنا كل ما أطلب من حسن يساعدني يقوللي شوفي مصاريفك وأنا نفسي مرة واحدة أطلب حاجة من أخويا من غير ما أحس إني داخلة أقدم طلب قرض في البنك

حسن كان بيبص لهم بذهول وأنا كنت حاسة إن كل واحد فيهم بيطلع كلام متخزن جواه من سنين وإن الأكل اللي المفروض يجمعنا على المحبة بقى كأنه جلسة حساب عائلي متأخرة
لكن وسط الكلام ده حماتي بدأت تشتكي من الدوخة وسامي مسك راسه وقال إن الحيطان بتتحرك ومنى فضلت تبص حواليها وتقول إن وشوشنا بقت غريبة وإنها مش عارفة تركز في الكلام

حسن قام بسرعة وسألهم إذا كانوا تعبانين لكن سامي رفع إيده وقاله استنى يا أخويا خليني أخلص اللي في قلبي الأول يمكن دي آخر مرة أقدر أتكلم فيها
حسن صرخ فيه وقاله إنت هتخلص إيه يا عم إنت لسه ما خلصتش من المحل؟سامي بصله بجدية وقاله أيوه يا حسن أنا عمري ما حبيتك قد ما كنت بغير منك وكل ما كنت أشوفك ناجح كنت أقول لنفسي ليه هو اللي ربنا كرمه وأنا لأ لكن والله ما كنتش أعرف إن الغيرة هتخليني أكره يوم العزومة اللي أنا جاي فيها آكل عندك

الكلام نزل على المكان كأنه حجر وقع في مية راكدة ومنى بصت لأخوها وقالتله ما تتكلمش عن الغيرة لوحدك يا سامي أنا كمان كنت كل ما أشوف نادية بتجهز السفرة وأنتوا قاعدين في شقتكم الواسعة أحس إن الدنيا كلها بتجاملهم على حسابنا
أنا بصيت لها وقلت لها يا منى إنتِ كنتِ بتاكلي عندنا كل أسبوع وعمري ما حسستك إنك ضيفة تقيلة