خالي خطبني لابنه وإحنا لسه أطفال وكان طول عمره بيأكد إننا لبعض.. لحد يوم الخطوبة الرسمي لما ابنه دخل ومعاه واحدة وقال دي خطيبتي.. رد فعل خالي خلانا كلنا في صدمة!أنا اسمي ندى عندي خمسة وعشرين سنة وعمري ما كنت متخيلة إن أكتر يوم كنت مستنياه في حياتي هو نفسه اليوم اللي هحس فيه إني اتكسرت قدام عيلتي كلها من وأنا طفلة صغيرة وخالي محمود بيهزر معايا ويقولي إنتِ مرات ابني لما تكبري وكنت وقتها عندي ست سنين وابنه كريم كان عنده تمن سنين وكنا بنلعب سوا في بيت جدي وخالي كل ما يشوفنا قاعدين جنب بعض يقول لأمي أهو العريس والعروسة قاعدين مع بعض أهو.
الكلام ده مع الوقت بطل يبقى مجرد هزار بالنسبالي خصوصًا إن خالي كان بيكرره في كل مناسبة وكل قعدة عائلية ولما كبرنا شوية بقى يقولي يا ندى إنتِ متنسيش إن كريم ليكي وإنتِ ليه وأنا اللي هفرح بيكم بإذن الله.
أمي كانت بتضحك وتقوله ربنا يقدم اللي فيه الخير يا محمود وهو كان يرد عليها مفيش خير أحسن من بنت أختي لابني وأنا عارف هربي ابني إزاي. كريم نفسه كان بيسمع الكلام ده ويضحك من غير ما يعترض ولا مرة وده خلاني مع الوقت أصدق إن الموضوع محسوم وإن مفيش حاجة ممكن تغيرهكبرنا وكل واحد فينا دخل حياته ومشاغله أنا خلصت دراستي واشتغلت في معمل تحاليل قريب من بيتنا وكريم اشتغل مع أبوه في محل الأجهزة الكهربائية اللي كان خالي فاتحه من سنين.
كنا بنتقابل في المناسبات العائلية ونتكلم كلام عادي وأوقات كان يسألني عن شغلي وأحوال البيت لكن عمره ما صارحني إنه بيحبني ولا حتى لمحلي بكلمة واضحة وأنا كنت بقول لنفسي إنه يمكن مستني الوقت المناسب وإنه بطبعه مش بيعرف يعبر عن مشاعره.لما كملت أربعة وعشرين سنة خالي جه بيتنا في يوم جمعة وكان قاعد مع أمي وأبويا وبعد الغدا بصلي وقال لي إيه يا ندى مش ناوية تفرحيني بيكي بقى.
ضحكت وقلت له أفرحك إزاي يا خالي. قال لي لما ألبسك الدبلة وأشوفك في بيت ابني.
بصيت في الأرض من الكسوف وأمي قالت له خلاص يا محمود كفاية إحراج للبنت واللي فيه الخير ربنا يقدمه. لكنه رد بجدية المرة دي وقال أنا مش بهزر يا جماعة أنا عايز نحدد معاد ونقعد قعدة رسمية والموضوع يخلص بدل ما نفضل نتكلم فيه من سنينأبويا سأله طب وكريم رأيه إيه يا محمود خالي رد بسرعة كريم ابني وأنا عارفه ومش هيلاقي أحسن من ندى.
الجملة دي فرحتني رغم إني كنت مستنية أسمعها من كريم نفسه لكن خالي أكد إنه هيتكلم معاه وإن خلال أسبوعين هنحدد يوم الخطوبة. الأسبوعين عدوا وأنا كنت بجهز نفسي نفسيًا لليوم ده حتى إني اشتريت فستان بسيط وفضلت أغير رأيي في لونه وشكله لحد ما استقريت على فستان هادي كنت شايفة إنه مناسب لأول يوم رسمي في حياتي مع الشخص اللي اتربيت وأنا بسمع إنه من نصيبيوقبل الخطوبة بيومين خالي اتصل بأمي وقال لها كل حاجة جاهزة وإنه هييجي هو ومراته وكريم يوم الخميس بعد المغرب عشان نقرأ الفاتحة ونلبس الدبليوم الخميس من الصبح وأنا في حالة غريبة من التوتر والفرحة وفي نفس الوقت كنت مستغربة إن كريم ما اتصلش بيا ولا حتى بعت رسالة يطمني فيها لكن قلت يمكن مشغول مع أبوه في التجهيزات.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.