تليفوني الشاشة اتكسرت رحت صلحته عند فني صيانة والي حصلي كان صعب حد يتحمله!!أنا اسمي ندى عندي سبعة وعشرين سنة وبشتغل محاسبة في شركة صغيرة وبعيش مع أمي وأختي الصغيره من ساعة ما أبويا مات من أربع سنين وحياتنا كانت ماشية بالعافية بس الحمد لله كنا مستورين ومحدش فينا بيطلب من حد حاجة وكنت دايما بحاول أحافظ على نفسي وعلى سمعة بيتنا لأن أمي ست بسيطة وأكتر حاجة بتخاف منها إننا نتعرض لموقف يوجع قلبها أو يخلي حد يتكلم علينا بكلمة مش حلوة
من حوالي شهر كنت راجعة من الشغل في أتوبيس زحمة والموبايل وقع مني على الأرض ولما نزلت ألمّه لقيت الشاشة اتشرخت شرخ كبير وبقت بتفصل كل شوية حاولت أستخدمه يومين كده لكن في الآخر الشاشة اسودت خالص ومبقتش عارفة أفتح أي حاجة عليه
الموبايل كان فيه صور شخصية ليا وصور عادية مع أمي وأختي وصحابي وكمان محادثات شغل وحاجات كتير كنت محتاجاها وكنت فاكرة إن طول ما الموبايل مقفول ببصمة صباعي محدش يقدر يوصل لحاجة جواه
زميلتي في الشغل قالتلي على محل صيانة قريب من بيتها وقالتلي إن صاحبه شاطر وأسعاره معقولة وإنها صلحت عنده موبايلها قبل كده ومحصّلش أي مشاكل
تاني يوم بعد الشغل رحت المحل وكان اسمه مكتوب على اليافطة بخط كبير واسم صاحبه أستاذ سامح والراجل كان في أواخر التلاتينات تقريبا وقاعد ورا الفاترينة وأول ما دخلت سلمت عليه وشرحتله المشكلة
خد الموبايل من إيدي وقعد يقلب فيه وقاللي إن الشاشة محتاجة تتغير وإن العطل مش كبير وإنه ممكن يخلصه في نفس اليوم بس لازم يسيبه عنده ساعتين تلاتة
اترددت في الأول وقلتله إن عليه صور وحاجات خاصة بيا ومش عايزة أي حاجة تتمسح لكنه ضحك وقاللي إنه بيصلح عشرات الموبايلات كل يوم وإن دي شغلانته وإنه مش فاضي يبص على حاجات الناس
كلامه خلاني أهدى شوية وسألته لو محتاج الرقم السري عشان يجرب الشاشة بعد التصليح فقاللي إنه هيحتاج يفتح الجهاز ويتأكد إن كل حاجة شغالة وإن ده إجراء عادي
أنا مكنتش مرتاحة أسيب موبايلي مفتوح قدام حد لكن كنت محتاجة أصلحه بسرعة عشان شغلي عليه فوافقت إني أرجع بعد كام ساعة
سيبتله الموبايل ومشيت ورجعت البيت وأنا بفكر في تمن الشاشة اللي كان أعلى من اللي معايا بشوية واتصلت بأمي وقلتلها إني هضطر أستلف منها جزء من المرتب اللي كانت محوشاه عشان نجيب حاجة للبيت
بعد المغرب رجعت المحل ولقيته مخلص التصليح فعلا والشاشة بقت جديدة والموبايل اشتغل قدامي عادي دفعت الحساب وخدته وأنا فرحانة إني هعرف أرجع أستخدمه تاني
في البيت قعدت أجرب الكاميرا وأفتح التطبيقات وأطمن إن كل حاجة زي ما كانت ولما دخلت على الصور لاحظت إن آخر صورة ظاهرة قدامي كانت صورة قديمة من أسبوعين مع إني كنت متأكدة إني مصورة صور جديدة بعدها
قلت يمكن الصور متحملة على مكان تاني أو التطبيق محتاج يحدث نفسه ومشيت الموضوع ومفكرتش فيه أكتر من كده
تاني يوم الصبح كنت في الشغل ولقيت رقم غريب بيتصل بيا كذا مرة وكنت مشغولة فمردتش لكن بعد شوية وصلتلي رسالة من نفس الرقم مكتوب فيها اسمي كامل
قلبي اتقبض وسألت نفسي مين اللي معاه رقمي وبيعرف اسمي وبعدها وصلت رسالة تانية خلت إيدي تتلج وأنا ماسكة الموبايل
الرسالة كانت بتقول إنه محتاج يتكلم معايا في موضوع يخص صوري الشخصية وإن الأفضل أسمعه قبل ما أعمل أي تصرف
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.