بعد انتظار 4 سنين حملت في طفلي وجوزي طلب مني أجـ,ـهض في الشهر السادس بسبب عيب خلقي أخبرنا به الدكتور وبعد محاولات أقنعته إن ممكن يكون الدكتور على خطأ وبعد ولادة الطفل وقعت الصدمة اللي كانت أصعب من الكل 🥺أنا اسمي ندى عندي تلاتين سنة ومتجوزة من كريم بقالنا خمس سنين ومن أول يوم في جوازنا وإحنا نفسنا نبقى أب وأم ونسمع صوت طفل بيجري في الشقة وينادينا ماما وبابا بس ربنا ماكتبش لينا الحمل
بسهولة وكل شهر كان بيعدي عليا وأنا مستنية معاد الدورة وقلبي متعلق بأمل صغير ولما ألاقيها نزلت كنت بقفل على نفسي باب الحمام وأعيط من غير ما كريم يحس عشان ما أزودش وجعه فوق وجعي لفينا على دكاترة كتير وعملت تحاليل وأشعات وخدت أدوية كتير لحد ما بقيت حافظه مواعيد الدوا أكتر من مواعيد أكلي وكل ما حد من قرايبنا يسألنا إنتوا لسه مخلفتوش ليه كنت بابتسم وأغير الموضوع مع إن الكلمة كانت بتوجعني كأنها
بتفكرني بحاجة ناقصاني كريم في الأول كان سند ليا وكان كل ما يشوفني مكسورة يقولي إنتي مالكيش ذنب في حاجة وإحنا هنفضل نحاول لحد ما ربنا يكرمنا لكن مع مرور السنين بدأ يتغير وبقى عصبي من أي كلام عن الأطفال وأوقات كان بيهرب من المناسبات اللي فيها أطفال صغيرة عشان مايتضايقش وأنا كنت بقدر وجعه وبحاول أهون عليه بعد أربع سنين من الانتظار وفي يوم كنت فاكرة إنه هيبقى يوم عادي صحيت الصبح حاسة بدوخة
وتعب غريب ولما اتأخرت الدورة يومين جبت اختبار حمل من الصيدلية وفضلت مستنية النتيجة وأنا قلبي بيدق بسرعة ولما ظهر الخط التاني فضلت باصة عليه ومش مصدقة نفسي خرجت من الحمام وأنا بعيط وبضحك في نفس الوقت ولما كريم رجع من شغله حطيت الاختبار في علبة صغيرة واديتهاله ولما فتحها وقرأ المكتوب فضل ساكت ثواني وبعدين بصلي وقاللي إنتي حامل بجد؟
هزيت راسي وأنا بعيط فقام حضني وفضل يلف بيا في الصالة وهو بيضحك وبيقول أخيرًا يا ندى أخيرًا هنشيل ابننا بين إيدينا الأيام اللي بعدها كانت من أحلى أيام حياتي وكريم بنفسه اختار اسم مبدئي للطفل وبدأنا نجهز أوضة صغيرة ليه وكل ما نروح للدكتورة ونسمع نبضه كان كريم يمسك إيدي ويبتسم وأنا كنت بحس إن السنين الصعبة كلها اتمسحت في اللحظة دي عدى الحمل لحد الشهر الخامس وكل حاجة كانت ماشية بشكل طبيعي حسب
كلام الدكتورة لكن في بداية الشهر السادس طلبت مننا نعمل فحص تفصيلي عند دكتور متخصص في تشوهات الأجنة لأن فيه حاجة محتاجة تتأكد منها في الأشعة روحنا للدكتور وإحنا متوترين شوية لكن ماكنش في بالنا إن حياتنا هتتقلب في الزيارة دي الدكتور فضل يبص على الشاشة وقت طويل وبعدها طلب مني أغير وضعي وأعاد الفحص أكتر من مرة وبعدين خرجنا من غرفة الأشعة وقعدنا قدامه في مكتبه وهو بيقلب في الصور والتقارير رفع عينه لينا
وقال إن فيه اشتباه قوي في عيب خلقي خطير في تكوين قلب الجنين وإن الحالة محتاجة تقييم إضافي عند فريق متخصص وإن بعض النتائج بتشير إن المشكلة ممكن تكون أعقد من مجرد عيب بسيط وإنه مش هيقدر يحدد فرص العلاج بدقة غير بعد فحوصات تكميلية حسيت إن الدنيا بتلف بيا وبصيت لكريم لقيته اتغير وشه تمامًا وسأل الدكتور بصوت مخنوق يعني ابننا ممكن يمـ,ـوت؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.