لحد أو تمد إيدها لحد

قلتلها إننا هنفضل مع بعض ونربي عيالنا ونكبر سوا وإن أي مشكلة هتقابلنا هنحلها مع بعض لكنها فضلت ساكتة وباصة للأرض كأنها عايزة تقولي حاجة ومش قادرة
بعدها بأيام مات حمايا وكانت سارة منهارة تماماً وأنا فضلت جنبها وكنت باخد إجازات من الشغل عشان ما أسيبهاش لوحدها وفي وسط العزا والناس اللي داخلة واللي خارجة لاحظت إنها بتتكلم مع واحدة قريبتها عن معاش أبوها وإن فيه إجراءات لازم تتعمل وإنها ممكن يكون ليها حق فيه لكني ما ركزتش في الكلام لأن كل اللي كان شاغلني وقتها إني أخرجها من الحزن اللي هي فيه

بعد العزا رجعنا لحياتنا بالتدريج وسارة بدأت تهتم بالبيت والعيال زي الأول وأنا افتكرت إن الأزمة عدت وإن الأيام الصعبة خلصت لكن اللي ما كنتش أعرفه إن فيه قرار اتاخد في غيابي وإن القرار ده كان ممكن يغير حياتنا كلها من غير ما أحس
عدت ايام ورجعت شغلي بشكل طبيعي وبعد حوالي سنتين ونصف من وفــ,,ـــــاه ابوها وفي يوم مديري طلبني في مكتبه وقاللي إن الشركة عندها توسعات في السعودية وإن فيه فرصة أشتغل هناك بعقد كويس لمدة سنتين قابلة للتجديد ولو وافقت هقدر أوفر فلوس كتير وأأمن مستقبل العيال بشكل أحسن

الأكثر قراءة الان

جوزي قه.رني هوه وامه وخلاني اختار ض.رتي بنفسي عشان بس يسمحلي بحضانة بناتيمنذ 4 أسابيعجوزي قالي: اختاري… يا بيتك يا أولادكمنذ 4 أسابيعخطيبي بعدما عمل عملته معايا جه يوم الفرح وقال للكل في القاعة إني مش بنت بنوت… بس ربنا أخدلي حقي منهمنذ 3 أسابيع

رجعت البيت وأنا فرحان وبلغت سارة بالخبر ففرحت معايا وقالتلي إن دي فرصة ما تتعوضش وإنها هتستحمل فترة سفري لحد ما أظبط أموري هناك وبعدها أشوف إمكانية إني أنقلها هي والعيال عندي
بدأت أجمع الأوراق المطلوبة وكل ما أخلص ورقة ألاقي ورقة تانية ناقصة لحد ما الشركة طلبت مني قيد عائلي حديث عشان ملف السفر

صحيت الصبح بدري وقلت لسارة إني هروح السجل المدني أطلع القيد وأرجع على الشغل وهي طلبت مني أجيب للعيال حاجة حلوة وأنا خارج فضحكت وقلتلها حاضر ونزلت من البيت وأنا بفكر في أول مرتب هقبــ,,ـــــضه هناك وهعمل بيه إيه
وصلت مكتب السجل المدني واستنيت دوري ولما جه الموظف طلب مني البطاقة وشهادة الميلاد وبيانات الأسرة وبعد شوية طبع الورقة وناولها لي وهو بيقوللي اتفضل راجع بياناتك قبل ما تمشي

مسكت الورقة وبصيت عليها بشكل عادي لحد ما عيني وقفت عند خانة الحالة الاجتماعية

فضلت باصص للخانة كذا ثانية وأنا مش قادر أفهم اللي مكتوب قدامي وحسيت إن صوت الناس حواليا اختفى وإن الورقة اللي في إيدي بقت أتقل من أي حاجة شيلتها في حياتي لأن البيانات اللي قدامي كانت بتقول حاجة واحدة أنا عمري ما تخيلت إني أشوفها مكتوبة باسمي
مكتوب إني مطلق.

### الفصل الثاني
بصيت للموظف وقلتله بصوت مش ثابت معلش يا أستاذ ممكن تراجع البيانات دي تاني لأن واضح إن فيه غلط أنا متجوز من تسع سنين ومراتي في البيت دلوقتي وعايشة معايا وعندي منها طفلين
الموظف أخد الورقة وبص فيها وبعدين رجع بص على شاشة الكمبيوتر وقاللي البيانات اللي عندنا بتوضح إن الحالة الاجتماعية مطلق ومش هقدر أغيرها من هنا لوحدي لازم تروح مكتب التوثيق المختص وتستعلم عن أصل الإجراء اللي اتسجل