أخدت الورقة من إيدي وبصت فيها ولقيت وشها اتغير في لحظة والابتسامة اختفت من على شفايفها وفضلت ساكتة وهي بتبص على الكلام المكتوب
قلت لها بصوت عالي ردي عليا يا سارة إيه معنى إني مطلق من سنتين وإنتي قاعدة معايا في بيتي وبتربي عيالي وبتقوليلي كل يوم إنك مراتي

حاولت تتكلم لكن صوتها ما طلعش فأخدت منها الورقة وقلت لها أنا روحت مكتب التوثيق وعرفت إن فيه حكم خلع صدـ,,ـــر من المحكمة من سنتين واسمك موجود في الملف
سارة نزلت عينيها للأرض وقعدت على أقرب كرسي وأنا لأول مرة في حياتي أشوفها بالشكل ده ما كانتش بتعيط ولا بتصرخ لكنها كانت باينة كأنها كانت مستنية اليوم ده من زمان

قلت لها قوليلي الحقيقة من غير لف ولا دوران إنتي عملتي إيه وليه
رفعت عينيها ليا وقالتلي محمود أنا أقدر أشرحلك كل حاجة بس بالله عليك وطي صوتك عشان العيال
بصيت ناحية الصالة ولقيت ياسين واقف عند الباب وليلى مستخبية وراه وبيبصوا علينا بخوف فحاولت أسيطر على أعصابي وطلبت منهم يدخلوا أوضتهم وبعد ما دخلوا رجعت بصيت لسارة وقلت لها أنا مستني أسمع منك كلمة واحدة تفسر اللي حصل

الأكثر قراءة الان

جوزي قه.رني هوه وامه وخلاني اختار ض.رتي بنفسي عشان بس يسمحلي بحضانة بناتيمنذ 4 أسابيعجوزي قالي: اختاري… يا بيتك يا أولادكمنذ 4 أسابيعخطيبي بعدما عمل عملته معايا جه يوم الفرح وقال للكل في القاعة إني مش بنت بنوت… بس ربنا أخدلي حقي منهمنذ 3 أسابيع

سارة مسحت وشها بإيديها وأخدت نفس طويل وقالتلي أنا فعلاً رفعت قضية خلع من سنتين
حسيت إن قلبي وقف للحظة وقلت لها وإنتي بتقولي الكلام ده كأنك بتعترفي إنك كسرتي كل حاجة بينا في ثانية
ردت عليا وهي بتعيط أنا ما عملتش كده عشان أسيبك يا محمود ولا عشان أتجوز حد غيرك أنا عملت كده عشان موضوع معاش بابا

سكتت وأنا ببصلها مش فاهم هي بتقول إيه بالضبط لكني كنت حاسس إن اللي جاي هيكون أصعب من أي تفسير كنت ممكن أتخيله

### الفصل الثالث
سارة بدأت تحكي وهي بتعيط وقالتلي بعد وفــ,,ـــــاه بابا عرفت من واحدة قريبتي إن فيه معاش ممكن أستحقه باعتباري بنته وإن ظروفي تسمح إني أقدم عليه لكن الموضوع كان محتاج أوراق وإثباتات معينة ولما سألت عن الشروط عرفت إن استحقاق البنت للمعاش بيتوقف على حالتها الاجتماعية وشروط تانية بتختلف حسب وضعها وإن الجواز الرسمي كان هيأثر على حقي فيه

قلت لها وإنتي بدل ما تيجي تتكلمي معايا وتفهميني قررتي ترفعي قضية خلع من ورايا
ردت بسرعة أنا كنت خايفة يا محمود كنت خايفة من بكرة ومن إن يحصل لك حاجة أو تخسر شغلك وألاقي نفسي أنا والعيال من غير سند وقلت لنفسي إن لو ضمنت مبلغ يدخل لي كل شهر هقدر أحوش منه وأأمن مستقبلهم

قلت لها وإنتي شايفة إن تأمين مستقبل العيال يكون بخداع جوزك وإنك تروحي المحكمة وتخلعيه من غير ما يعرف
فضلت ساكتة شوية وبعدين قالتلي أنا عارفة إني غلطت بس وقتها كنت شايفة إن ده الحل الوحيد وإنك لو عرفت مش هتوافق أبداً

سألتها طب والفلوس اللي أخدتيها راحت فين
دخلت أوضتنا ورجعت بعد دقائق بعلبة صغيرة حطتها قدامي وفتحتها فظهر جواها شوية مصوغات دهب وخاتمين وسلسلة وغوايش
قالتلي أنا اشتريت الدهب ده من جزء من الفلوس اللي كنت باخدها كل شهر وحوشت الباقي في حساب باسمي كنت بقول لنفسي إن الدهب ده للعيال وإنه هيكون سند لينا لو الدنيا ضاقت بينا في يوم من الأيام