أمي حاولت تعرف من جدي قبل وفاته إذا كان فعلًا ناوي يدي كل حاجة لخالي لكنها افتكرت إن أبوها في آخر أسابيعه كان تعبان ومش قادر يركز في الكلام زي الأول وإن خالي هو اللي كان بيتولى كل مشاويره وأوراقه وفي اللحظة دي بدأت تشك إن الموضوع ما كانش بالبساطة اللي خالي بيحاول يصورها

بعد فترة عرفت من خالي نفسه وسط كلامه إن جدي بصم على أوراق نقل الملكية قبل وفاته بفترة وإنه هو اللي جهز له الورق وخلاه يبصم عليه وأمي سألته إزاي يعمل كده من غير ما يقول لها فقال لها إن أبوه كان موافق وإنه لو كان شايف إن فيه مشكلة ما كانش بصم وأمي ما كانش معاها دليل يثبت عكس كلامه ولا كانت قادرة تدخل في معركة طويلة معاه خصوصًا إن الورق كان رسمي وخالي

استولى على البيت والأرض والمخزن وبقى هو صاحب القرار في كل حاجة

الأكثر قراءة الان

جوزي قه.رني هوه وامه وخلاني اختار ض.رتي بنفسي عشان بس يسمحلي بحضانة بناتيمنذ 4 أسابيعجوزي قالي: اختاري… يا بيتك يا أولادكمنذ 4 أسابيعخطيبي بعدما عمل عملته معايا جه يوم الفرح وقال للكل في القاعة إني مش بنت بنوت… بس ربنا أخدلي حقي منهمنذ 3 أسابيع

أمي فضلت فترة طويلة موجوعة من اللي حصل مش عشان الأرض والفلوس بس لكن لأنها حسّت إن أخوها استغل ثقتها فيه وإن أبوها اللي كانت فاكرة إنه مطمن معاهم رحل وساب وراه خلاف عمرها ما كانت تتخيله وأنا حاولت أقنعها تسأل محامي عن حقها لكنها كانت خايفة إن الموضوع يتحول لخناقة كبيرة وإن الناس تتكلم عن أبوها بعد مو. ته ومع مرور الوقت اضطرت تبعد عن خالي وتسيبه يعيش حياته بالأملاك اللي أخدها

الفصل الثالث
السنين عدت وخالي مراد عاش في البداية أحسن أيام عمره البيت بقى ملكه والأرض بتدخل له فلوس والمخزن إيجاره مستمر وكان بيصرف على ولاده من غير ما يحسب حساب لبكرة واشترى لهم عربيات وساعد ابنه الكبير يتجوز وجهز لبنته جهاز كبير وكان شايف إن الفلوس اللي معاه هتفضل موجودة طول العمر

لكن خالي ما كانش عنده خبرة جدي في إدارة الأرض والتجارة وكان فاكر إن أي مشروع يدخل فيه هيكسبه فلوس أكتر فبدأ يبيع أجزاء من الأرض عشان يدخل في تجارة مع واحد يعرفه وبعد فترة اكتشف إن شريكه خسر فلوسه وفلوس خالي معاه واضطر يبيع قطعة تانية عشان يسدد ديونه وبعدها دخل في مشروع جديد وخسر فيه برضه وكل مرة كان يقول لنفسه إنه هيعوض اللي خسره لكن الثروة اللي جدي تعب سنين عشان يبنيها

بدأت تقل واحدة ورا التانية

وفي الوقت اللي أملاك خالي كانت بتضيع فيه بدأت المصايب تدخل بيته من أبواب تانية ابنه الكبير اللي كان متجوز بقى بينه وبين مراته مشاكل مستمرة بسبب الديون والضغوط وبعد خلاف كبير خرج بعربيته في ليلة ممطرة واتعرض لحادث على الطريق ومات قبل ما يوصل المستشفى وخالي يومها اتكسر لأول مرة وشفت بعيني إزاي راجل كان فاكر إن الفلوس تقدر تحل كل حاجة بقى واقف مش قادر يعمل أي حاجة قدام مو. ت ابنه

بعدها بسنين ابنه التاني سافر يدور على شغل بعيد عن البلد وكان بيتنقل من مكان للتاني ولما اشتغل في موقع بناء حصلت له إصابة خطيرة بعد سقوطه من مكان مرتفع ورغم محاولات الأطباء ما قدرش ينجو وخالي استقبل خبر مو. ته وهو قاعد في نفس البيت اللي كان زمان مليان بصوت ولاده وضحكهم