أما بنته فكانت أقرب أولاده لقلبه وكانت بتحاول تخفف عنه وتطلب منه يسيب الماضي ويفكر في اللي باقي من حياته لكنها اتجوزت وانتقلت لمدينة تانية وبعد سنوات اكتشف الأطباء إنها مصابة بمرض خطير وبعد رحلة علاج طويلة توفيت هي كمان وخالي بقى لوحده من غير ابن ولا بنت يفرح بيهم أو يستند عليهم

في كل مرة كان بيخسر فيها واحد من ولاده كان بيكبر فجأة وكأن الحزن بيسحب من عمره سنين وبعد وفاة بنته باع آخر جزء كبير من الأرض عشان يسدد التزامات كانت متراكمة عليه ومع الوقت ما بقاش عنده غير البيت اللي عايش فيه ومبلغ صغير بيصرف منه على احتياجاته وأمي كانت بتسمع أخبار خالي من الناس لكنها ما كانتش بتروح له لأنها لسه فاكرة الورقة اللي شافتها يومها وكلامه البارد وهو بيقول لها إن الموضوع

اتحسم

الأكثر قراءة الان

جوزي قه.رني هوه وامه وخلاني اختار ض.رتي بنفسي عشان بس يسمحلي بحضانة بناتيمنذ 4 أسابيعجوزي قالي: اختاري… يا بيتك يا أولادكمنذ 4 أسابيعخطيبي بعدما عمل عملته معايا جه يوم الفرح وقال للكل في القاعة إني مش بنت بنوت… بس ربنا أخدلي حقي منهمنذ 3 أسابيع

الفصل الرابع
عدت سنين طويلة وأمي كبرت وأنا كمان بقيت راجل عندي بيتي وشغلي وفي يوم جالي اتصال من مرات خالي بتقول لي إن خالي تعبان وإنه بيسأل على أمي وطلب يشوفها أمي فضلت ساكتة شوية وبعدها قالت لي إنها هتروح له مش عشان نسيت اللي حصل لكن لأنها مهما كان أخوها وآخر حد باقي لها من بيت أبوها

لما دخلنا عليه لقيناه راجل كبير وضعيف وملامحه اتغيرت من المرض والحزن والبيت اللي كان مليان حركة بقى هادي بشكل يوجع القلب قعدت أمي جنبه وهو فضل يبص لها فترة طويلة من غير ما يتكلم وبعدها طلب مني أسيبهم لوحدهم فخرجت وقعدت مستني بره

بعد وقت طويل أمي خرجت وعيونها مليانة دموع ولما رجعنا البيت سألتها قال لها إيه فضلت ساكتة شوية وبعدين حكت لي إنه اعترف لها بالحقيقة كاملة وقال لها إنه في الفترة اللي جدي كان عايش فيها عنده كان عارف إن أبوه بقى ضعيف وإنه بيثق فيه ثقة كاملة وإنه استغل الثقة دي وجهز أوراق نقل الأملاك وخلى جدي يبصم عليها وهو تعبان من غير ما يشرح له كل اللي هيترتب على الورق وإنه كان خايف

لو أمي عرفت أو دخلت في الموضوع جدي يغير رأيه أو يرفض ينقل له كل حاجة

خالي قال لها إنه وقتها أقنع نفسه إنه ابنه الوحيد اللي بيتولى رعاية أبوه وإنه أحق بالأملاك وإن أخته مش محتاجة حاجة وإنه هيقدر يعوضها بعدين لكنه بعد ما جدي مات ما حاولش يعوضها ولا حتى فكر يديها جزء من حقها لأنه كان خايف يخسر اللي أخده ولما بدأت الخسائر تحصل له كان كل مرة يحاول ينسى اللي عمله ويقول لنفسه إن دي تجارة وإن الخسارة واردة لكن بعد مو.

ت أولاده واحد ورا التاني بقى كل ليلة يسأل نفسه إذا كان اللي عمله في أبوه له علاقة بكل اللي حصل له

أمي قالت له إنها مش هتقدر تعرف إذا كانت المصايب اللي حصلت له عقاب من ربنا أو مجرد ابتلاءات في الحياة وإن محدش يقدر يجزم بحكمة ربنا لكن اللي تعرفه إنه ظلم أبوه واستغل ضعفه وظلمها هي كمان وإن الندم الحقيقي لازم يكون معاه اعتراف بالحق ومحاولة لإصلاح اللي يقدر يصلحه