يشوفونيش ضعيفةاشتغلت في الأول في تنظيف شقق وبعدها لقيت شغل في محل ملابس قريب من البيت وكنت بسيب العيال عند أمي لحد ما أرجع وأكمل باقي شغل البيت بنفسي واتعلمت أعمل كل حاجة من غير ما أطلب مساعدة من حد.
مرت السنين وكريم كبر وبقى يساعدني في مصاريف البيت وهو لسه طالب ومنة دخلت الجامعة وكنت كل ما أشوفهم بيكبروا قدامي أحس إني كسبت معركة طويلة لكن جوايا وجع عمره ما راح بسبب راجل اختار نفسه وساب عياله .وبعد سبعتاشر سنة كاملة كنت راجعة من الشغل في يوم عادي ولقيت كريم قاعد في الصالة ووشه متغير ومنة جنبه ساكتة ولما سألتهم في إيه كريم رفع عينه ليا وقال لي إن بابا اتصل بيهحسيت إن رجلي ما بقيتش شايلاني وسألته إيه اللي جابه بعد السنين دي كلها.
رد كريم وهو بيحاول يخبي غضبه وقال لي إنه عايز يقابلنا وإنه بيقول إنه تعبان ووحيد وإنه نفسه يشوف ولاده قبل ما العمر يجري بيه أكتر. ما عرفتش أرد عليه لكن منة قالت جملة وجعتني أكتر من كل اللي فات.قالت لي يعني هو فاكر إننا لسه الأطفال اللي سابهم زمان وإنه يقدر يرجع يلاقينا مستنيينه زي ما يكون غاب يومين.
وقبل ما أتكلم رن تليفون كريم تاني ولما شاف الاسم على الشاشة بص لي وقال إن بابا عايز ييجي البيت بكرة.
ساعتها عرفت إن السنين اللي فاتت ما كانتش نهاية الحكاية وإن أصعب مواجهة في حياتي لسه ما بدأتش
### الفصل الثاني
طول الليل وأنا بفكر في المكالمة اللي حصلت وبحاول أفهم سامح عايز إيه بعد سبعتاشر سنة من الغياب هل فعلا افتكر ولاده فجأة ولا حصل له حاجة خلته يدور عليهم بعد ما بقى لوحده ما كنتش عايزة أظلمه من غير ما أسمع منه لكن في نفس الوقت ما كنتش قادرة أنسى اللي شوفته وأنا بحاول أربي طفلين لوحدي
تاني يوم جه سامح على ميعاد المغرب ووقف قدام الباب وهو ماسك علبة حلويات صغيرة لابس قميص مكوي وشكله أكبر بكتير من آخر مرة شوفته فيها شعره بقى أبيض من الجنبين ووشه بان عليه التعب لكنه أول ما شاف كريم حاول يبتسم ويفتح إيديه عشان يح. ضنه
كريم ما اتحركش من مكانه ومنة كانت واقفة جنبي بتبص له من غير كلام
سامح دخل وقعد على طرف الكنبة وفضل يسأل عن شغل كريم ودراسة منة وحياتهم وكأنه بيحاول يعوض سبعتاشر سنة من الأسئلة في نص ساعة لكن ردودهم كانت قصيرة وكل مرة يحاول يقرب منهم كانوا يرجعوا خطوة لورا
بعد شوية بص لي وقال إنه عارف إنه غلط وإنه ما كانش المفروض يسيبهم وإن الظروف خدت منه سنين عمره وإنه دلوقتي بقى لوحده بعد ما علاقاته بالناس اللي كان فاكرهم أصحابه انتهت وبعد ما خسر شغله واستقراره
سألته بهدوء إنت اتأخرت ليه كل السنين دي يا سامح
سكت شوية وبعدين قال إنه اتجوز بعد الطلاق وخلف بنت لكنه انفصل عن مراته التانية من سنين وإن بنته عايشة مع أمها وإن علاقته بيها مش كويسة وإنه حاول يبدأ من جديد أكتر من مرة لكن كل حاجة كانت بتفشل
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.