ما قدرتش أمنع نفسي من سؤاله يعني لما كنت بتبدأ حياة جديدة كنت فاكر كريم ومنة فين
نزل عينه للأرض وقال إنه ما عندوش عذر وإنه كان كل ما يفكر يتصل بيهم يحس بالخجل ويأجل لحد ما السنين عدت وبقى مش عارف يرجع إزاي

كريم قام من مكانه وقال له إنت ما كنتش محتاج تعرف ترجع إزاي إنت كنت محتاج بس ترفع السماعة وتسأل علينا وإحنا أطفال
سامح حاول يرد لكنه ما عرفش ومنة قالت له إنها كانت بتستناه في كل عيد وإنها كانت بتخبّي درجاتها الحلوة عشان لما ييجي توريهاله وإنها في الآخر بطلت تستنى لأنه ما جاش

فضل سامح ساكت وبدأت دموعه تنزل وقال إنه مش طالب منهم ينسوا اللي حصل وإنه بس نفسه يبقى له مكان في حياتهم قبل ما يمو. ت
أنا كنت شايفة قدامي راجل اتغير فعلًا لكن ما كنتش عارفة إذا كان اتغير لأنه فهم غلطه ولا لأنه بقى محتاج حد يسنده بعد ما الدنيا ضاقت عليه

الأكثر قراءة الان

جوزي قه.رني هوه وامه وخلاني اختار ض.رتي بنفسي عشان بس يسمحلي بحضانة بناتيمنذ 4 أسابيعجوزي قالي: اختاري… يا بيتك يا أولادكمنذ 4 أسابيعخطيبي بعدما عمل عملته معايا جه يوم الفرح وقال للكل في القاعة إني مش بنت بنوت… بس ربنا أخدلي حقي منهمنذ 3 أسابيع

قبل ما يمشي طلب من كريم رقم تليفونه وقال له إنه نفسه يقابله على قهوة ويتكلموا براحتهم وكريم وافق بعد تردد واضح أما منة فقالت إنها محتاجة وقت
بعد ما خرج قعدنا إحنا التلاتة نتكلم وكريم قال لي إنه مش قادر يسامحه وإنه مش عايز يظلمه لكن مش عايز كمان يفتح له باب يقرب منه وبعدها يختفي مرة تانية

قلت له إن محدش يقدر يجبره على الحب وإن أبوه مهما كان يفضل أبوه في النسب لكن ده ما يمسحش السنين اللي غابها وإن القرار لازم يكون قراره هو وأخته من غير ضغط مني ولا من حد

لكن اللي ما كنتش أعرفه إن سامح ما كانش هيكتفي بالمقابلة دي وإن رجوعه هيحط ولادي قدام اختبار أصعب من مجرد قرار يسامحوه أو يرفضوه
### الفصل الثالث
بعد الزيارة بأسبوع بدأ سامح يتصل بكريم كل يومين مرة يسأله عن شغله ومرة يعزمه على الغدا ومرة يطلب منه يمر عليه في الشقة اللي ساكن فيها بالإيجار في منطقة تانية وكريم في البداية كان بيرد باختصار لكنه مع الوقت وافق يقابله مرتين

في أول مقابلة رجع كريم متضايق وقال لي إن أبوه كان بيحكي عن الوحدة وإنه ما بقاش عنده حد يقف جنبه وإنه نفسه ولاده يعوضوه عن اللي فاته ولما كريم سأله عن السنين اللي كان فيها محتاج مصاريف المدرسة أو لما أنا كنت تعبانة ومش لاقية تمن الدوا رد عليه إنه كان وقتها غرقان في مشاكله ومش قادر يساعد حد

كريم قال لي إنه كان مستني يسمع اعتذار حقيقي عن حاجات محددة لكنه حس إن أبوه بيحكي عن نفسه أكتر ما بيسمع وجعه
بعدها بأيام سامح طلب من منة تقابله لوحدها وهي وافقت على مضض ولما رجعت قالت لي إنه اعتذر لها عن يوم تخرجها اللي ما حضروش وعن سنين ما كانش يعرف فيها أي حاجة عنها لكنها لاحظت إنه كل شوية يرجع يتكلم عن إنه محتاجهم يزوروه وإنه نفسه يبقى عنده عيلة تاني

منة قالت لي أنا مش رافضة إنه يبقى عندي أب لكن مش هقدر أتعامل معاه كأنه كان موجود طول الوقت
كنت فخورة بولادي لأنهم ما كانوش قاسيين لكنهم في نفس الوقت ما سمحوش للشفقة تمحي الحقيقة

بعد شهر تقريبا اتصل سامح بكريم وقال له إنه عنده مشكلة في الإيجار وإن صاحب الشقة طلب منه يسيبها خلال أسابيع وإنه بيفكر يدور على مكان أرخص كريم عرض عليه يساعده في البحث لكنه ما عرضش عليه يسكن معاه ولما سامح لمح إنه ممكن يقعد عنده كام شهر لحد ما يرتب أموره كريم قال له إنه مرتبط بمصاريف بيته وإنه مش هيقدر يستضيفه