قلت له أنا مكنتش عايزة الطلاق يا أحمد أنا كنت عايزة جوزي يقف جنبي لما حد يهينني لكن إنت اخترت إن رضا أمك يبقى أهم من إنك تسمعني حتى مرة واحدة
سكت شوية وبعدين قال لي أمي كانت خايفة إني أبعد عنها بعد الجواز وإنها كانت عايزة تطمن إن كلمتها لسه مسموعة

قلت له كان ممكن تطمن من غير ما تهينني وكان ممكن إنت تحسسها إنك بتحبها من غير ما تظلــ,,ـــــمني لكن إنت اخترت أسهل حل بالنسبالك وهو إنك تخليني أنا الغلطانة
ملقاش رد وبعدها كل واحد فينا راح لحاله
رجعت البيت يومها وأنا مرتاحة لأول مرة من وقت الجواز مش عشان شمتانة فيه ولا عشان كنت عايزة أثبت له إنه خسرني لكن عشان أخيرًا بطلت أسأل نفسي لو كنت سكت يومها كان ممكن حياتي تكمل إزاي

يمكن كنت هكمل فعلًا لكن كل مشكلة بعدها كانت هتتحول لاختبار جديد لسكوتي وكل مرة كنت هضطر أختار بين إني أحافظ على كرامتي وبين إني أرضي حماتي وجوزي
أنا دلوقتي عرفت إن الجواز مش مجرد شقة متفرشة ولا فرح حلو ولا راجل بيقول كلام كويس وقت الخطوبة الجواز موقف بيبان فيه الشخص وقت الخلاف وبيبان إذا كان شايف مراته شريكة حياته ولا شخص لازم يوافق على كل حاجة عشان البيت يفضل هادي

الأكثر قراءة الان

جوزي قه.رني هوه وامه وخلاني اختار ض.رتي بنفسي عشان بس يسمحلي بحضانة بناتيمنذ 4 أسابيعجوزي قالي: اختاري… يا بيتك يا أولادكمنذ 4 أسابيعخطيبي بعدما عمل عملته معايا جه يوم الفرح وقال للكل في القاعة إني مش بنت بنوت… بس ربنا أخدلي حقي منهمنذ 3 أسابيع

أما الفرش اللي حماتي قالت عليه مستعمل فبعد فترة أمي غيرت مكان الكنبة واشترت ستاير جديدة للصالة وفضلت كل ما أزورها أقول لها إن البيت بقى أجمل فتضحك وتقولي المهم إنك إنتِ اللي بقيتي أحسن
وساعتها كنت بعرف إن أغلى حاجة أهلي قدموهالي مكنتش غرفة نوم ولا سفرة ولا أنتريه جديد كانت إنهم وقفوا جنبي في اليوم اللي كنت محتاجة فيه حد يفكرني إني أستحق الاحترام حتى لو كل اللي حواليا حاولوا يقنعوني بالعكس