سألته ليه ما بلغش عن الحاجة اللي لقاها فقاللي إنه كان محتاج فلوس وإنه اعتبرها فرصة مش هتتعوض وإنه لما شافني راجعة تدور في المكان فهم إن الدهب يخصني
حاولت أهدده إني هبلغ الشرطة لكنه قاللي إنه مش هيخاف وإنه يقدر ينكر كل حاجة وإن مفيش دليل يثبت إنه أخد دهبي
طلبت منه يقابلني في مكان عام عشان نتكلم لكنه رفض وقاللي إنه مش هيسلمني الدهب غير لما أوافق على شروطه
سألته عن الشروط فقاللي إنه عايزني أقابله لوحدي في شقة قريبة من المكان اللي بيشتغل فيه وإنه مش هيقبل إني أجيب معايا أحمد أو أي حد من أهلي
رفضت فورًا وقلتله إن اللي بيعمله سرقة وابتزاز وإنه لو ما رجعش الدهب هروح أبلغ عنه لكنه رد عليا بجملة خلت الدم ينشف في عروقي
قاللي إنه مش عايز فلوس وإنه عايزني أوافق على علاقة معاه وإن ده تمن رجوع دهبي وإن محدش هيعرف حاجة لو أنا وافقت وسكت
حسيت بإهانة عمري ما حسيتها قبل كده وقلتله إنه لو فاكر إني هبيع نفسي عشان دهب فهو غلطان لكنه بدأ يهددني إنه هيخليني أخسر الدهب وجوزي وبيتي وإنه هيقول لأي حد يسأل إن أنا اللي عرضت عليه نفسي عشان يرجعلي الحاجة
قفلت المكالمة وأنا مش قادرة أستوعب إن واحد استغل إني كنت بحاول أحافظ على حقي عشان يحطني في الموقف القذر ده
كنت خايفة أبلغ الشرطة لأن اللي حصل مع أهل أحمد خلاني عارفة إن محدش هيصدقني بسهولة وإن جوزي ممكن يشك فيا لما يعرف إني دفــ,,ـــــنت دهبي من وراه وإن راجل غريب بيهددني
لكن في نفس الوقت فهمت إن السكوت هيخلي الراجل يتمادى وإنه ممكن يرجع يطلب مني حاجات أسوأ كل مرة
قررت أروح لأمي وأحكيلها كل حاجة من أول ما دفــ,,ـــــنت الدهب لحد المكالمة الأخيرة وكانت دي أول مرة أعترف لحد إني ظلــ,,ـــــمت أهل جوزي باتهامي ليهم من غير دليل
أمي زعلت مني وقالتلي إن خوفي على الدهب خلاني أتصرف بغباء وإن اللي عملته مع حماتي وأولادها ماكانش عدل وإن لازم أصلح الغلط ده قبل ما أطلب من حد يقف جنبي
لكنها ما سابتنيش لوحدي وقالتلي إن الراجل ده مجرم وإن التهديد اللي بيعمله مش معناه إني أستسلم له وإن الحل إني أحافظ على نفسي وأواجه الموضوع بالطريقة الصح
رجعت البيت وطلبت من أحمد يقعد معايا لأن عندي اعتراف لازم أقولهوله ولما قعد قدامي حكيتله إني دفــ,,ـــــنت دهبي من غير ما يعرف وإن اختفاء الحلق هو اللي خلاني أشك في أهله وإن ماكانش عندي أي دليل على اتهامي ليهم
أحمد فضل ساكت فترة طويلة وبعدها سألني إذا كنت فعلًا دفــ,,ـــــنت الدهب في الأرض وإن كان ده كل اللي مخبياه عنه
قلتله أيوه وإن فيه راجل أخده من التراب وبيساومني عليه وإنه هددني لو ما وافقتش على طلباته
وشه اتغير وقاللي إنه زعلان مني عشان كذبت عليه وعشان اتهمت أهله لكن ده مش معناه إنه هيسمح لحد يهددني أو يستغل خوفي
طلب مني أوريه رقم الراجل والرسائل اللي بعتها وبعدها اتصل بمحامي يعرفه وسأله عن الطريقة القانونية اللي نقدر نتصرف بيها من غير ما نعرض نفسنا للخطر
المحامي نصحنا ما نقابلش الراجل لوحدنا وما نحاولش ناخد الدهب منه بالقوة واحتفظنا بسجل المكالمات والرسائل اللي فيها التهديد وقررنا نتقدم ببلاغ رسمي ونسيب التعامل معاه للجهات المختصة
الفصل الرابع
قبل ما نتــ,,ـــــحرك للبلاغ الراجل اتصل بيا تاني وقاللي إنه مستني ردي وإنه مش هيديني فرصة تانية وإنه عايزني أروحله في نفس اليوم
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.