نادية بصتلي وقالتلي أنا مش عايزة أكرهك يا عادل لأن الكره تعب وأنا تعبت كفاية لكني مش هقدر أرجع أثق فيك ولا أنسى اليوم اللي كنت محتاجاك فيه ومجيتش
هزيت راسي وقلتلها إن من حقها وإنها مش مطالبة تعمل أي حاجة عشاني
قبل ما تمشي بصت لقبــ,,ـــــر يوسف وقالتلي ابني كان بيحبك وكان دايما بيدافع عنك لما أزعل منك كان يقوللي بابا مشغول يا ماما بس هييجي بكرة
الجملة دي كانت أصعب من أي اتهام ممكن أسمعه في حياتي لأن يوسف كان بيلاقيلّي الأعذار وأنا ماكنتش حتى بحاول ألاقي له الوقت
نادية مشيت وسابتني واقف قدام قبــ,,ـــــر ابني ولأول مرة ماحاولتش ألحقها ولا أطلب منها فرصة جديدة لأن فيه حاجات لازم نعترف إننا ضيعناها بإيدينا
أنا وعدت مراتي الأولى إني عمري ما هفرق بينها وبين التانية لكني فرقت بينهم في الاهتمام والرحمة والوقت وافتكرت إن الفلوس كفاية وإن الأبوة مجرد مصاريف وإن الست اللي عاشت معايا في الفقر هتفضل مستحملاني مهما عملت
ماقدرش أقول إني .ت ابني لأن مرضه كان له أسبابه الطبية اللي ماكنتش تحت سيطرتي لكني أقدر أقول إني خذلته وخذلت أمه في اللحظة اللي كانوا محتاجيني فيها وإن ده ذنب هفضل شايله طول عمري
ومن يومها بقيت أقول لأي أب فاكر إن الفلوس تعوض الغياب إن أولادك مش محتاجين منك بيت وأكل ولبس وبس محتاجين يحسوا إنك موجود وإن أمهم مش مطالبة تستحمل الظلــ,,ـــــم عشان تحافظ على البيت وإن الوعد اللي بنقوله وقت ما نكون عايزين نرضي حد مالوش أي قيمة لو أفعالنا بتكسره كل يوم
أنا خسرت ابني ومش هيرجع وخسرت مراتي ومش من حقي أطلب منها تنسى واللي باقي لي دلوقتي إني أعيش وأنا فاكر الحقيقة اللي اتأخرت في فهمها إن العدل مش كلام بنقوله وإن الحب مش هدايا وفلوس وإن فيه لحظات لو ضاعت مش هنقدر نشتريها بكل اللي جمعناه في الدنيا
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.