رد عليا بضيق وقال لي يا أمي بلاش كلام يخليني أحس إني مقصر أنا مش بطردك إنتِ اللي مصممة تفهمي كل حاجة غلط. ساعتها ما لقيتش كلام أقوله. خرجت من الشقة وأنا شايلة الكيس الأسود وسارة قفلت الباب ورايا من غير حتى ما تقول لي ربنا معاكي.

نزلت السلم درجة درجة وأنا بحاول أمنع نفسي من العياط لكن أول ما وصلت الشارع انهرت. ركبت عربية أجرة وروحت عند أختي نوال اللي أول ما فتحت لي الباب وشافت حالتي حــ,,ـــــضنتني من غير ما تسألني عن حاجة. دخلتني أوضتها وقعدت جنبي لحد ما هديت شوية.

لما حكيت لها اللي حصل غضبت وقالت لي إزاي كريم يعمل فيكي كده وهو عارف إن الشقة دي ملكك؟ قلت لها أنا مش عايزة مشاكل مع ابني يا نوال أنا كل اللي كنت عايزاه إنه يحن عليا في يوم زي ده.

الأكثر قراءة الان

جوزي قه.رني هوه وامه وخلاني اختار ض.رتي بنفسي عشان بس يسمحلي بحضانة بناتيمنذ 4 أسابيعجوزي قالي: اختاري… يا بيتك يا أولادكمنذ 4 أسابيعخطيبي بعدما عمل عملته معايا جه يوم الفرح وقال للكل في القاعة إني مش بنت بنوت… بس ربنا أخدلي حقي منهمنذ 3 أسابيع

نوال قالت لي الحنية مش معناها إنك تسيبي حقك يضيع. الشقة باسمك ولا لأ؟ قلت لها باسم عبد الرحيم الله يرحمه ولسه ما عملناش إعلام وراثة. قالت لي يبقى لازم نعرف حقك وحق كريم إيه قبل ما أي حد يتصرف في حاجة.

الكلام ده خوفني لأن آخر حاجة كنت عايزاها إني أدخل في مشاكل ميراث مع ابني لكني كنت عارفة إن عبد الرحيم ما سابليش غير الشقة ومبلغ صغير في البنك ومش هقدر أبدأ حياة جديدة من الصفر. في الليلة دي ما نمتش.كل شوية كنت أبص للموبايل مستنية كريم يتصل ويسألني وصلت ولا لأ أو حتى يقولي حقك عليا يا أمي.

لكنه ما اتصلش. تاني يوم الصبح اتصلت بيه أنا وسألته هو إنت يا ابني مرتاح كده؟ قال لي يا أمي أنا عندي شغل ومش فاضي للكلام ده دلوقتي.

قلت له طب طمني عليك يا حبيبي. قال لي أنا كويس وهكلمك بعدين وقفل. بعد يومين عرفت من نوال إن سارة راحت عند واحدة من قرايبها وقالت لها إن حماتها كانت عاملة مشاكل وإنها أخيرًا قدرت تخلّي كريم يحط حدود في التعامل مع أمه.

الكلام وجعني لكني حاولت أقول لنفسي يمكن ابني مضغوط ويمكن الأيام تخليه يراجع نفسه. اللي ما كنتش أعرفه إن سارة ما كانتش عايزة تبعدني عن الشقة وبس دي كانت عايزة تخلي كريم يفتكر إن كل مشكلة في حياته سببها وجودي وإنه مش هيقدر يبقى صاحب قرار في بيته طول ما أنا موجودة.

وكانت كل يوم بتزرع في دماغه فكرة جديدة لحد ما بقى هو بنفسه يدافع عن قراراتها حتى لو كانت على حساب أمه. الفصل الثالث
عدى أسبوع وأنا عند نوال وكريم ما سألش عليا غير مرة واحدة لما احتاج يعرف مكان ورق كان أبوه محتفظ بيه.

يومها قلت له الورق في درج المكتب اللي في أوضته القديمة لكنه ما سألنيش حتى عن صحتي. بعد أسبوعين رحت مع نوال لمحامي عشان نفهم الوضع القانوني للشقة. المحامي طلب عقد الملكية وشهادة الوفــ,,ـــــاه وأوراق الأسرة وشرح لنا إن الشقة من تركة عبد الرحيم وإن ليا نصيبي الشرعي وإن كريم له نصيبه وإن محدش من الورثة من حقه يطردني من مسكني أو يتصرف في كامل الشقة من غير مراعاة حقوق باقي الورثة.