سارة اتخضت وقفلت المكالمة وقالت له إنت بتسمع من غير ما تفهم. قال لها أنا سمعت كل كلمة إنتِ بنفسك بتقولي إنك كنتِ بتحرضيني على أمي عشان تستولي على الشقة. ردت عليه بعصبية وقالت له أنا كنت بحافظ على بيتي وعلى نفسي وإنت اللي وافقت على كل حاجة محدش أجبرك.

الكلمة دي كانت الحقيقة اللي حاول يهرب منها شهور. فعلًا محدش أجبره يسيب أمه تتطرد لكنه اختار يسكت ويصدق مراته بدل ما يسمع أمه. قال لها طيب وإنتِ ناوية تعملي إيه دلوقتي؟ قالت له أنا مش ناوية أعيش طول عمري مع واحد كل شوية يفتكر أمه ويقعد يلومني.

أنا عايزة حقي في البيت وعايزة أعيش من غير وجع دماغ. كريم رد عليها إن الشقة مش ملكها وإنه مش من حقها تطرده منها. ضحكت وقالت له إنت فاكر إنك تقدر تعمل لي حاجة؟ إنت اللي خليت أمك تخرج بإيدك وإنت اللي وقفت جنبي قدامها ولو رجعت دلوقتي تعتذر لها مش هتقدر تمسح اللي عملته.

الأكثر قراءة الان

جوزي قه.رني هوه وامه وخلاني اختار ض.رتي بنفسي عشان بس يسمحلي بحضانة بناتيمنذ 4 أسابيعجوزي قالي: اختاري… يا بيتك يا أولادكمنذ 4 أسابيعخطيبي بعدما عمل عملته معايا جه يوم الفرح وقال للكل في القاعة إني مش بنت بنوت… بس ربنا أخدلي حقي منهمنذ 3 أسابيع

بعدها بدأت تجمع هدومه وتحطها في شنطة عند الباب. كريم وقف مذهول وقال لها إنتِ بتعملي إيه؟ قالت له أنا مش عايزة أكمل معاك بالشكل ده روح اقعد عند أمك يمكن تسامحك وتلاقي لك مكان عندها.حاول يتكلم معاها لكنها فتحت الباب وقالت له اخرج دلوقتي ولما نحتاج نتكلم في باقي الأمور هنتكلم عن طريق المحامي.

كريم خرج وهو مش مصدق إن نفس الست اللي أقنعته يطرد أمه من البيت بتطرده هو كمان من المكان اللي كان فاكر إنه بيحافظ عليه.

اتصل بيا بعد ساعات وكان صوته مكسور وقال لي يا أمي أنا غلطت في حقك ومش عارف أبدأ منين. كنت قاعدة عند نوال لما سمعت صوته وقلبي اتوجع عليه رغم كل اللي عمله. سألته إنت فين يا كريم؟ قال لي أنا بره البيت وسارة طردتني ومش عارف أروح فين.

سكت شوية وبعدين قال لي أنا عرفت إنها كانت بتحرضني عليكي من الأول وإنها كانت عايزة تستولي على الشقة. فضلت ساكتة لحد ما قال لي حقك عليا يا أمي أنا عارف إن الاعتذار مش كفاية بس أنا محتاج أشوفك.

قلت له تعالى يا ابني. جه عند نوال وهو شايل شنطته ووشه شاحب من التعب. أول ما شفته افتكرت يوم رجوعي من الدفــ,,ـــــن وهو واقف بيتفرج على مراته وهي بتلم هدومي في الكيس الأسود. قعد قدامي وبدأ يعيط وقال لي أنا مش عارف إزاي عملت فيكي كده.قلت له يا كريم أنا أمك وقلبي مش حجر لكن اللي حصل ما كانش غلطة صغيرة عشان نعديها بكلمتين.

إنت شفتني وأنا بتطردي وسكت وإنت اللي طلبت مني أسيب بيتي. قال لي أنا عارف يا أمي ومش هطلب منك تنسي اللي حصل بس اديني فرصة أصلح اللي أقدر عليه.

قلت له أول حاجة لازم تتعلمها إنك ما تظلــ,,ـــــمش حد عشان ترضي حد تاني وإن البيت والفلوس مش أهم من كرامة الناس. وبعدها لازم تحترم حقي وحق أبوك اللي تعب عمره كله عشاننا. المحامي كمل الإجراءات القانونية المتعلقة بالشقة وبحقوق الورثة وسارة ما قدرتش تثبت أي ملكية لنفسها لمجرد إنها كانت عايشة فيها أو غيرت الكالون.