لما سمعت الكلام ده حسيت براحة بسيطة لأن على الأقل مش هبقى تحت رحمة حد. لكني طلبت من المحامي ما يعملش أي خطوة قبل ما أحاول أتكلم مع كريم مرة أخيرة. اتصلت بيه وقلت له يا كريم أنا عايزة أشوفك ونتكلم في وجود حد من العيلة عشان ما يبقاش بينا زعل.

وافق على مضض واتقابلنا في بيت نوال. أول ما دخل قعد بعيد عني وما بصش في عيني. قلت له يا ابني أنا مش جاية أطلب منك فلوس ولا عايزة آخد منك حاجة أنا عايزة أفهم ليه بقيت شايفني عبء عليك.

قال لي إنتِ مكبرة الموضوع يا أمي وسارة مش قصدها حاجة هي بس عايزة خصوصية. قلت له الخصوصية مش معناها إنك تخرج أمك من بيتها وهي لسه راجعة من دفــ,,ـــــن أبوك. سكت شوية وبعدين قال لي بصراحة يا أمي إحنا كنا بنتخانق كتير بسبب وجودك وإن سارة كانت حاسة إن حياتنا مش مستقرة.

الأكثر قراءة الان

جوزي قه.رني هوه وامه وخلاني اختار ض.رتي بنفسي عشان بس يسمحلي بحضانة بناتيمنذ 4 أسابيعجوزي قالي: اختاري… يا بيتك يا أولادكمنذ 4 أسابيعخطيبي بعدما عمل عملته معايا جه يوم الفرح وقال للكل في القاعة إني مش بنت بنوت… بس ربنا أخدلي حقي منهمنذ 3 أسابيع

سألته وإنت كنت بتتخانق معايا إمتى يا كريم؟ أنا كنت بقعد في أوضتي وأحاول ما أتدخلش في حياتكم. قال لي هي كانت بتحكي لي حاجات إنتِ بتعمليها وأنا ما كنتش عايز أقول لك. وقتها بدأت أفهم إن سارة كانت بتوصل له كلام ما حصلش أصلًا وإنه كان بيصدقها من غير ما يسألني.

قلت له طب اديني مثال واحد على حاجة عملتها وضايقتها. فضل ساكت وما عرفش يرد. بعدها قام وقال لي أنا مش جاي أتحاسب يا أمي أنا جاي عشان نخلص الموضوع ده. الكلمة دي كانت أصعب من الطرد نفسه لأن ابني بقى شايف أمه خصم لازم يتخلص من كلامه.

بعد ما مشي نوال قالت لي خلاص يا فاطمة إنتِ عملتي اللي عليكي والباقي حقك لازم تحافظي عليه. بدأت إجراءات إعلام الوراثة وبعدها المحامي طلب معاينة عقد الشقة وتحديد الأنصبة. في الفترة دي سارة كانت بتضغط على كريم عشان يخلص موضوع الشقة وتفضل هي المتحكمة في كل حاجة.

كانت بتقوله إن أمه لو رجعت هتفضل تتدخل في حياتهم وإن الحل الوحيد إنه يبعدها نهائيًا ويخليها تتنازل عن حقها. كريم اتصل بي مرة وقال لي سارة شايفة إننا نبيع الشقة ونقسم الفلوس ونبدأ من جديد.قلت له تبيعوا شقتي إزاي يا كريم وأنا ليا حق فيها؟

قال لي ما هي الشقة ورث وأنا كمان ليا نصيب. قلت له أيوه يا ابني ليك نصيبك لكن ده مش معناه إنك تلغي حقي ولا إنك ترميني بره البيت. قفل المكالمة وهو متضايق.

بعدها بأيام جالي اتصال من جارنا القديم عم صبحي قال لي إنه شاف سارة بتدخل صنايعية الشقة وبتغير كالون الباب. قلبي وقع في رجلي واتصلت بكريم لكنه ما ردش. المحامي قال لي ما أروحش أعمل خناقة وإننا لازم نثبت اللي بيحصل ونتصرف بالطريق القانوني.

وبعد يومين رحت معاه نعاين الشقة من بره ونثبت إن القفل اتغير وإن حاجتي لسه جوه. وأنا واقفة قدام الباب سمعت صوت سارة من الداخل وهي بتتكلم في التليفون وبتقول أيوه خلاص أهو البيت بقى لينا ومحدش هيقدر يرجعنا لورا.